Fyrir rúmlega ári síðan fékk ég þá hugmynd að búa til hlaðvarp þar sem eg spjallaði við fólk úr veitingabransanum. Verandi málglaður maður með ástríðu fyrir því sem ég hef gert hálfa ævina þótti mér tilvalið að ná að sameina þessa tvo hluti og varð til hlaðvarpið Happy Hour með the Viceman.
Ég hafði ekki hugmynd um hvernig maður ætti að snúa sér í hlaðvarps gerð, kunni ekki neitt á upptöku græjur og hafði örsjaldan talað í míkrafón. Það væri þá helst í mis góðum karaioke flutning hér á árum áður.
Hefði ekki verið fyrir vin minn hann Ómar Vilhelmsson væri ansi ólíklegt að Happy Hour hefði orðið að veruleika þvi Ómar er nefninlega mesti “plöggari” sem ég veit um og er ég honum ævinlega þakklátur fyrir að hafa hjálpað mér að koma þessu í gang.
Upptökur hófumst af miklum krafti og fyrir lok ársins 2019 voru þættirnir orðnir 20! Það er vel af sér vikið á þremur mánuðum enn ákvörðun var svo tekin um að slaka aðeins á og birta einn þátt í viku sem hefur nokkurnvegin gengið eftir fyrir utan pásu yfir há sumarið.
Með tímanum hefur Happy Hour þróast og tekið á sér ákveðna mynd. Í raun má segja að í hlaðvarpinu séu fimm mismunandi seríur sem má lesa nánar um hér.
Í þáttunum er ég búinn að fá að kynnast og spjalla við ótrúlega fjölbreyttan hóp af fólki sem hefur það allt sameiginlegt að hafa áhuga á veigum í fljótandi formi.
Það eru enn fjöldi fólks að gera spennandi hluti í drykkjar heiminum og því spennandi tímar framundan í Happy Hour með the Viceman.
Að því sögðu langar mig til að þakka öllum sem hafa hlustað á þættina og sömuleiðis alla sem hafa þegið boð um að koma í þættina. Það eru bjartir tíman framundan þegar maður getur gleymt sér að hlusta á eitthvað sem manni þykir skemmtilegt.
kær kveðja
Andri Davíð Pétursson
The Viceman
