Happy Hour með The Viceman
Þórhildur Kristín Lárentínusardóttir | Hristarinn
Þórhildur eða Tóta eins og hún er gjarnan köllum er ung og upprenndi barþjónn sem hefur mikið látið fyrir sér fara innan Barsenu Íslands að undanförnu. Tóta sigraði hina árlegu Brennivíns keppni á síðasta ári og hefur síðan þá starfað fyrir Brennivín og flakkað um Bandaríkin með viðburði tengda Brennivíni.
Þórhildur var gestur minn í Hristaranum í Happy Hour hlaðvarpinu og hér fyrir neðan má lesa brot af því sem kom fram í þættinum:
Þórhildur byrjaði 16 ára gömul í veitingabransanum sem þjónn á Tapasbarnum eftir heimkomu úr skiptinámi í Suður Ameríku. Fljótlega fóru augu hennar að beinast að barstarfinu og eftir að hafa sóst mikið eftir því fékk hún loks tækifæri til að spreyta sig á bakvið barinn og það að stórum hluta til í Sangríu gerð.
Eftir eins og hálfs árs dvöl á Tapasbarnum lá leiðin í Perluna þar sem hún fékk stöðu sem Yfirbarþjónn á veitingastaðnum Út í Bláin sem þá var ný opnaður. Því starfi gengdi hún í eitt ár áður enn eigendur Tapasbarsins voru farnir að sakna hennar og vildu fá hana aftur og í þetta skiptið sem Yfirbarþjónn staðarins.
Þórhildur lét til skarar skríða enda mikið tækifæri fyrir unga konu. Tækifæri sem fólst sérstaklega í endurnýjun og mikilli vinnu við nýjan kokteil seðli. Á þeim tímapunkti var hún hvött til þess að byrja að keppa í kokteila keppnum og varð strax í fyrstu keppninni sinni ein af efstu 5 í hinni árlegu Reykjavík Cocktail Weekend keppni. Úrslit sem Þórhildur segist alls ekki hafa átt von á.
Nokkrum keppnum síðar kom svo stærsti sigurinn þegar Þórhildur sigraði Brennivíns keppnina árið 2018.
Þórhildur ráðleggur þeim sem vilja gerast barþjónar að sækjast eftir því og ekki gefast upp.
Hvað er í uppáhaldi hjá Þórhildi?
Kokteill: Espresso Martini
Vodki: Reyka
Gin: Tanquaray 10
Romm: Ron Zacapa
Tequila: Don Julio
Uppáhalds hráefni: Brennivín, Fernet Branca, Pisco
Uppáhalds:
Baráhald: Hristarinn
Barþjónn: Ivan Svanur og Teitur Schiöth
Bar erlendis: Up and up og Psycho Suzi’s Water Lounge
Hvaða trend eru í gangi?
Mikil eftirspurn hefur verið eftir drykkjum á borð við Espresso Martini og Aperol Spritz segir Þórhildur.
Hvað er það sem koma skal í kokteilum?
Þórhildur bæði vonar og telur að fólk fari meira að kaupa drykki sem eru sérstaklega hannaðir af þeim stöðum þar sem þeir eru seldir. Að auki telur hún að gamlir klassískir kokteilar eins og Manhattan og sterkari drykkir eigi eftir að gera endurkomu á næstu misserum.
Instagram: Icelandic Drinking
Facebook: Þórhildur Kristín Lárentínusardóttir
